SAHAR

جوہری توانائي کی عالمی ایجنسی نے جمعرات کی شام رپورٹ دی کہ ایران نے پیشرفتہ سینٹری فیوجز کے ذریعے نطنز کے ایٹمی مرکز میں یورینیم کی افزودگي کا عمل بڑھا دیا ہے۔

روئٹرز نے آئی اے ای اے کے حوالے سے بتایا ہے کہ ایران نے چوتھے کاسکیڈ یا کلسٹر کے ساتھ آئي آر- دوایم سینٹری فیوجز کے ذریعے یورینیم کی افزودگي شروع کر دی ہے۔ اس رپورٹ کے مطابق ایران نے یہ دو کلسٹر نطنز میں نصب کر دیے ہیں لیکن ابھی ان کے ذریعے افزودگی کا عمل شروع نہیں کیا ہے۔ اس وقت نطنز کے ایٹمی پلانٹ میں مختلف جدید سینٹری فیوجز کے ذریعے یورینیم کی افزودگی کا عمل جاری ہے۔

آئی اے ای اے نے بدھ کے روز اپنی رپورٹ میں بتایا تھا کہ اکتیس مارچ کو ایران نے آئي آر ٹو ایم کے نام سے موسوم چوتھے کلسٹر میں ہیگزا فلورائیڈ گیس ڈالنی شروع کر دی ہے جو یورینیم کی افزودگي کے عمل کا ابتدائي حصہ ہے۔