ایران کی فٹبال ٹیم ورلڈکپ 2022 کے لئے کوالیفائی کرگئی
Jun ۱۶, ۲۰۲۱ ۱۷:۵۱ Asia/Tehran
ایران کی قومی فٹ بال ٹیم نے ایک سخت مقابلے میں عراقی فٹبال ٹیم کو ایک گول سے شکست دے کر ورلڈکپ 2022 کے لئے کوالیفائی کرلیا۔
منگل کی رات ایران کی قومی فٹ بال ٹیم نے عراق کے خلاف دوہزار بائیس ورلڈ کپ کے کوالیفائنگ راؤنڈ میں ایک فیصلہ کن میچ کھیلا اورعراقی فٹبال ٹیم کو زیرو کے مقابلے میں ایک گول سے شکست دے کر اٹھارہ پوائنٹس کے ساتھ اگلے راؤنڈ میں پہنچ گئی ۔
ایشین کوالیفائرز کے تیسرے گروپ کا میچ بحرین کے شہر منامہ کے شیخ علی بن محمد آل خلیفہ اسٹیڈیم میں کھیلا گیا ۔یہ کھیل ایسے عالم میں شروع ہوا کہ عراقی ٹیم سرفہرست تھی اور ایرانی ٹیم کو عراق کی برتری ختم کرنے اور ورلڈ کپ میں پہنچنے کے لئے تین پوائنٹس اسکور کرنا تھے۔
