پیرا پاور لفٹنگ کے عالمی مقابلوں میں ایرانی کھلاڑی کو چاندی کا تمغہ
Dec ۰۲, ۲۰۲۱ ۱۸:۵۸ Asia/Tehran
ایرانی ویٹ لفٹر امیر جعفری نے جارجیا میں ہونے والے پیرا پاور لیفٹنگ کے عالمی مقابلوں میں پینسٹھ کیلوگرام کے سیٹ میں کامیابی حاصل کرتے ہوئے چاندی کا تمغہ جیت لیا ہے۔
ہمارے نمائندے کی رپورٹ کے مطابق ایرانی کھلاڑی امیرجعفری نے ایک سو ترانوے کیلوگرام کے سیٹ کو کنٹرول کرتے ہوئے دوسری پوزیشن حاصل کی اور چاندی کا تمغہ جیتنے میں کامیاب رہے۔
جارجیا ورلڈ چیمپیئن شپ کی زیادہ اہمیت اس وجہ سے ہے کہ وہ پیرس دو ہزار چوبیس پیرالمپیک کے مقابلوں کا حصہ ہے۔
اس سے قبل ایران کے قومی کھلاڑی سعید اسکندر زادہ نے اسّی کیلوگرام کے سیٹ میں گولڈ میڈل جیتا تھا۔
معذوروں کے پیرا پاورلیفٹنگ کے عالمی مقابلے تیبلیسی میں ستائیس نومبر سے شروع ہوئے ہیں اور نو دسمبر تک جاری رہیں گے۔
