اسرائیل لبنان پر وسیع زمینی حملے کے درپے

Mar ۱۵, ۲۰۲۶ ۰۹:۴۸ Asia/Tehran

غاصب اسرائیلی اور امریکی حکام نے کہا ہے کہ اسرائیل ایک وسیع زمینی حملہ کرکے دریائے لیتانی کا پورا جنوبی حصہ اپنے قبضے میں لینے کے درپے ہے۔

سحرنیوز/عالم اسلام: ایک اسرائیلی عہدہ دار نے غزہ میں غاصب اسرائیلی حکومت کے جرائم کا اعتراف کرتے ہوئے کہا کہ ہم نے جو غزہ میں کیا وہی لبنان میں بھی انجام دینا چاہتے ہیں۔
رپورٹ کے مطابق امریکی حکومت اسرائیل کی وسیع کارروائی کی حمایت کرتی ہے لیکن ساتھ ہی وہ یہ چاہتی ہے کہ لبنانی حکومت محدود نقصان سے دوچار ہو اور لبنان اور اسرائیل کے درمیان براہ راست مذاکرات کی ترغیب دلاتی ہے۔
دریں اثنا غاصب اسرائيلی حکومت کے ایک عہدہ دار نے کہا کہ علاقے پر کنٹرول سے ہمارا مقصد لبنان کے شمال کی طرف پیچھے ہٹنے کے لئے حزب اللہ پر دباؤ ڈالنا اور مختلف دیہاتوں میں اس کے اڈے اور ہتھیاروں کے ذخیرے ختم کرنا ہے۔