جب پوتین نے صدر ایران کو سلام کیا+ ویڈیو
صدر ایران ڈاکٹر ابراہیم رئیسی روس کا اپنا سرکاری دورہ مکمل کرکے جمعہ کی علی الصبح واپس تہران پہنچ گئے۔
اسلام جمہوریہ ایران کے صدر کے ماسکو دورے پر پوری دنیا کی نظر تھی۔
سوشل میڈیا پر وائرل ہونے والے تازہ ویڈیو میں دیکھا جا سکتا ہے کہ روسی صدر کس طرح سے اپنے ایرانی ہم منصب کو سلام کرتے ہیں اور کس طرح سے ان سے پر جوش انداز میں ملاقات کرتے ہیں۔
انہوں نے تہران ہوائی اڈے پر صحافیوں اور نامہ نگاروں سے گفتگو کے دوران اپنے دورہ ماسکو کو کامیاب قراردیتے ہوئے کہا کہ ان کا یہ دورہ دونوں ملکوں کے تعلقات کے فروغ میں اضافہ اور علاقائی بحرانوں کو کم کرنے میں مدد گار ثابت ہوگا۔
صدر ایران سید ابراہیم رئیسی نے اپنے روسی ہم منصب ولادی میرپوتین کے ساتھ ہونے والی ملاقات میں زیر بحث آنے والے دیگر معاملات اور موضوعات کا ذکر کیا اور بتایا کہ تین گھنٹے تک جاری رہنے والی اس ملاقات میں جو امور طے پائے ہیں ان پر فوری طور سے عملدرآمد کرنے پر اتفاق کیا گیا۔
