SAHAR

ایران کے قومی کلائمبر محسن بہشتی راد نے سوئیزرلینڈ کے آئس کلائمبنگ کے عالمی مقابلوں میں مثالی کارکردگی کا مظاہرہ کرتے ہوئے سونے کا تمغہ حاصل کر لیا ہے۔

ایران پریس کی رپورٹ کے مطابق سوئیزرلینڈ میں جاری تیز رفتار آئس کلائمبنگ کے ان مقابلوں میں ایران کے کھلاڑی محسن بہشتی راد واحد ایسے کھلاڑی رہے جنھوں نے برف کی دیوار پر چڑھنے میں صرف چھے سیکنڈ لگائے اور پہلا مقام حاصل کیا۔

اتنے کم وقت میں ایرانی کھلاڑی نے منزل طے کر کے ملک کے لئے ایک تاریخ رقم کی ہے اور انہیں ان مقابلوں میں دنیا کا سب سے تیر رفتار آئس کلائمبر قرار دیا گیا ہے۔

ایران کے ہی ایک اور کھلاڑی محمد رضا صفدریان نے اس شعبے میں پانچواں مقام حاصل کیا۔ چار برس قبل بھی اسی مقام پر ہونے والے ان مقابلوں میں صفدریان نے کانسی کا تمغہ حاصل کیا تھا۔