ترکی میں ایران کے پہلوانوں کی شاندار کامیابی
Feb ۲۸, ۲۰۲۲ ۱۵:۳۹ Asia/Tehran
ایران کی فری اسٹائل کشتی کی ٹیم نے ترکی میں جاری بین الاقوامی مقابلوں میں سونے کے تین اور کانسی کا ایک تمغہ حاصل کیا۔
ترکی میں یاشاردوغو کشتی کے بین الاقوامی مقابلے ہر سال 26 اور 27 فروری کو استنبول میں منعقد ہوتے ہیں۔
اسنا کی رپورٹ کے مطابق، ان مقابلوں کے دوسرے اور آخری روز ایران کے پہلوان امیر محمد یزدانی نے اپنے امریکی حریف پہلوان کو شکست دی اور سونے کا تمغہ حاصل کیا۔
92 کلو گرام وزن کی کیٹگری میں احمد بذری نے بھی سونے کا تمغہ حاصل کیا جبکہ 79 کلو کرام کیٹگری کے مقابلے میں علی سواد کوہی نے کانسی کا تمغہ حاصل کیا۔
قابل ذکر ہے کہ 97 کلو گرام کیٹگری کے مقابلے میں محمد حسین محمدیان نے مقابلوں کے پہلے ہی روز سونے کا تمغہ حاصل کیا تھا۔
