متحدہ عرب امارات کے نئے حاکم کے ساتھ وزیر خارجہ ایران کی ملاقات
May ۱۷, ۲۰۲۲ ۰۸:۳۱ Asia/Tehran
ایران کے وزیر خارجہ حسین امیر عبد اللہیان متحدہ عرب امارات کے دارالحکومت ابوظہبی پہنچے جہاں انہوں نے نو منتخب حاکم اور صدر محمد بن زائد کو انکے بھائی (سوتیلے) اور سابق صدر کے انتقال پر تعزیت پیش کی۔
حسین امیر عبد اللہیان پیر کی شام ابو ظہبی پہونچے جہاں انہوں نے خلیفہ بن زاید کی وفات پر نئے حاکم محمد بن زاید کو تعزیت پیش کی۔ اس موقع پر متحدہ عرب امارات میں مقیم ایرانیوں کے مسائل کے حل سمیت باہمی دلچسپی کے امور پر دونوں عہدیداروں کے ما بین تبادلۂ خیال ہوا۔
خلیفہ بن زاید کے انتقال کے بعد متحدہ عرب امارات کی اعلی کونسل نے سنیچر کے روز محمد بن زاید کو متحدہ عرب امارات کا نیا حاکم منتخب کیا ہے۔
