فٹبال ورلڈکپ 2022 میں آج ایران اور ویلز کی ٹیمیں آمنے سامنے ہوں گی
Nov ۲۵, ۲۰۲۲ ۰۸:۴۲ Asia/Tehran
فیفا ورلڈ کپ 2022 کے دلچسپ میچز جاری ہیں۔
سحر نیوز/ کھیل: قطر میں جاری فٹبال ورلڈ کپ 2022 میں آج ایران اور ویلز کی ٹیمیں آمنے سامنے ہوں گی۔ ایران کے مقامی وقت کے مطابق یہ میچ دوپہر ایک بجکر 30 منٹ پر شروع ہو گا۔ ورلڈ کپ میں ایران کا یہ دوسرا میچ ہے۔
فیفا ورلڈ کپ 2022 کے گروپ جی میں برازیل نے کل اپنے پہلے میچ میں سربیا کو 2 گول سے شکست دیکر ایونٹ میں شاندار آغاز کیا ہے۔
قطر کے لوسیل اسٹیڈیم میں کھیلے گئے میچ کے شروع میں ہی برازیل کی ٹیم نے اپنے حریف کے گول پر تواتر سے حملے کیے لیکن پہلے ہاف میں انہیں کامیابی نہیں مل سکی۔
فیفا ورلڈ کپ 2022 کے گروپ جی میں سوئٹزر لینڈ نے کیمرون کو 0-1 سے ہرا دیا جبکہ گروپ ایچ میں جنوبی کوریا اور اروگوئے کا میچ بغیر کسی گول کے برابر ہوگیا۔
