بحرانوں کے دوران ایران کے سول ایویئیشن کی شاندار کارکردگی
ایران کی شہری ہوابازی کے ادارے کے سربراہ نے اعلان کیا ہے کہ اسلامی جمہوریہ ایران بحرانوں کے دوران ایویئیشن خدمات کے شعبے میں مکمل طور پر خودکفیل ہوچکا ہے۔
سحر نیوز/ ایران: ایران کی شہری ہوابازی کے ادارے کے سربراہ محمد محمدی بخش نے ایران میں بحرانی حالات کے انتظام کے سلسلے میں ہونے والے ایک پروگرام کے موقع پر بتایا کہ ایران کی شہری ہوابازی کے جامع قوانین مکمل اور جاری ہوچکے ہیں۔ انہوں نے بتایا کہ مختلف قسم کے بحرانوں سے نمٹنے کے لئے سالانہ مشقیں منعقد کی جاتی ہیں جن میں اپنی صلاحیتوں کا بھرپور اندازہ ہوجاتا ہے۔
انہوں نے بتایا کہ ان مشقوں کے نتائج کے پیش نظر یقین کے ساتھ کہا جا سکتا ہے کہ ایران کا شہری ہوابازی کا شعبہ بحرانی حالات کے انتظام من جملہ فضائی فائرفائٹنگ میں مکمل طور پر خوکفیل ہوچکا ہے۔
انہوں نے یہ بھی بتایا کہ تمام ظالمانہ پابندیوں کے باوجود ایران میں مختلف نوعیت کے سول طیاروں کی اوورہالنگ مکمل طور پر ملک کے اندر انجام دی جا رہی ہے۔
