SAHAR

ایران کی ٹیم، ورلڈ ریسلنگ کلب مقابلوں کا کپ جیتنے میں کامیاب ہوگئی۔

سحر نیوز/ ایران: رپورٹ کے مطابق، ایران کی شہر بینک ٹیم کی فری اسٹائل کشتی کے کھلاڑیوں نے اپنے روسی حریفوں کو شکست دیکر ان عالمی مقابلوں کا کپ اور چمپین شپ حاصل کرلی۔
آج کے مقابلوں میں حسن یزدانی، کامران قاسم پور اور امیرحسین زارع نے روس کے کھلاڑیوں کے مقابلے میں شاندار کھیل کا مظاہرہ کرتے ہوئے جیت حاصل کرلی ۔ ایرانی ٹیم نے مجموعی طور پر چھے پوائنٹ حاصل کئے جبکہ روس کی ٹیم صرف چار پوائنٹ حاصل کرنے میں کامیاب رہی۔
ادھر تیسری پوزیشن کے لئے ہندوستان اور قزاقستان کی ٹیمیں آمنے سامنے آئیں جہاں ہندوستانی کھلاڑیوں نے سات میچ جیت لئے جبکہ قزاقستان کی ٹیم صرف تین میچوں میں کامیابی حاصل کرسکی۔ اس طرح ہندوستان نے ورلڈ ریسلنگ کلب کپ میں تیسری پوزیشن حاصل کرلی۔