SAHAR

آئی اے ای اے کے سربراہ رافائل گروسی ایران کے دورے پر تہران پہنچ گئے ہیں۔

سحر نیوز/ ایران: ارنا نیوز ایجنسی کے مطابق، ایٹمی توانائی کی عالمی ایجنسی کے سربراہ کا استقبال ایران کے ایٹمی توانائی کے قومی ادارے کے ترجمان بہروز کمالوندی نے کیا ۔ وہ اپنے دورہ تہران میں ایک اعلی سطحی وفد کی قیادت کر رہے ہیں ۔
دو روزہ اس دورے میں ان کی ملاقات ایران کے کئی اعلی عہدے داروں سے طے ہے۔ قابل ذکر ہے کہ ایران کے وزیر خارجہ حسین امیرعبداللہیان نے حال ہی میں سی این این کو انٹرویو دیتے ہوئے کہا تھا کہ ایران اور آئی اے ای اے کے تعلقات معمول کے مطابق آگے بڑھ رہے ہیں ۔ انہوں نے کہا تھا کہ امریکہ کو بالواسطہ طور پر یہ پیغام بھیجا جا چکا ہے کہ تہران بدستور مذاکرات کے راستے پر گامزن ہے۔