سپاہ پاسداران، ایران کے اسلامی نظام کے تحفظ کا طاقتور بازو: وزارت خارجہ
Apr ۲۳, ۲۰۲۳ ۰۲:۵۵ Asia/Tehran
ایران کی وزارت خارجہ کے ترجمان نے کہا ہے کہ سپاہ پاسداران انقلاب اسلامی، اسلامی جمہوریہ ایران کا طاقتور بازو ہے۔
سحر نیوز/ ایران: اسلامی جمہوریہ ایران کی وزارت خارجہ کے ترجمان ناصر کنعانی نے ایک ٹویٹ میں لکھا ہے کہ سپاہ پاسداران انقلاب اسلامی، اسلامی جمہوریہ ایران کے تحفظ کے لیے ایک طاقتور دستہ، قوم اور قومی سلامتی کا محافظ اور پیارے ایران کے لیے عزت و وقار کا سرچشمہ ہے اور یہی سپاہ پاسداران انقلاب اسلامی کے دشمنوں کی تشویش اور غصے کی وجوہات ہیں ۔
وزارت خارجہ کے ترجمان نے سپاہ پاسداران انقلاب اسلامی کے قیام کی سالگرہ کے موقع پر مبارکباد بھی پیش کی ۔
انہوں نے اس موقع پر سپاہ پاسداران انقلاب اسلامی کے ہزاروں شہیدوں کو خراج تحسین بھی پیش کیا۔
واضح رہے کہ 2 مئی سپاہ پاسداران انقلاب اسلامی کی تشکیل کا دن ہے۔
ٹیگس
