SAHAR

ایران کے پہلوانوں نے ایشیئن یوتھ چیمپیئن شپ کو اپنے نام کر لیا ہے۔

سحرنیوز/ایران: آئی آر آئی بی نیوز کے مطابق تھائی لینڈ کے سیراچے شہر میں ہونے والی ایشیئن یوتھ ریسلنگ چیمپیئن شپ میں ایرانی پہلوانوں نے مجموعا چھے سونے کے تمغے جیتے اور اس طرح ایران چیمپیئن قرار پایا۔
مجموعی طور پر ایران کی ٹیم نے نو تمغے حاصل کئے جن میں ایک چاندی اور دو کانسی کے تمغے بھی شامل ہیں۔ ٹیموں کی رینکنگ میں ایران اپنے دو سو چھے پوائنٹس کے ساتھ پہلے نمبر پر رہا جبکہ قازقستان اور کرقیزستان بالتریب ایک سو پچاسی اور ایک سو اکتالیس پوائنٹس کے ساتھ دوسرے اور تیسرے نمبر پر رہے۔