SAHAR

ایران کے سیکورٹی اداروں نے کردستان میں مریوان سرحد سے ملک میں داخل ہونے والی دہشت گرد ٹیم کو تہس نہس کردیا ہے۔

سحرنیوز/ایران: آئی آر جی سی کے شعبہ تعلقات عامہ کے جاری کردہ بیان میں کہا گيا ہے کہ بدھ اور جمعرات کی درمیانی رات دہشت گردوں کی ٹولی صوبہ کردستان کے شہر مریوان کی سرحد سے در اندازی کا ارادہ رکھتی تھی لیکن سیکورٹی اہلکاروں نے گھات لگا کر ان پر حملہ کردیا۔ بیان کے مطابق اس دوران ہونے والے جھڑپ میں متعدد دہشت گرد ہلاک اور زخمی ہوئے۔ ہلاک ہونے والے دہشت گرد گروہ کوملہ کا ایک سرغنہ ربیوار کریمیان بھی شامل ہے۔
سپاہ پاسداران انقلاب اسلامی کے بیان میں خبردار کیا گيا ہے کہ ملک کی سلامتی کا تحفظ ہماری اولین ترجیح ہے اور اپنے ملک کے خلاف دہشت گردانہ عزائم رکھنے والوں کو کسی بھی جغرافیائی حدود میں نشانہ بنانے سے گریز نہیں کریں گے۔