SAHAR

اسلامی جمہوریہ ایران میں ہنگری کے سفیر کو وزارت خارجہ میں طلب کرکے ملک کے بعض قانونی اداروں کے خلاف یورپی یونین کی نئی پابندیوں پر احتجاج کیا گیا۔

سحرنیوز/ایران: مہر خبررساں ایجنسی کی رپورٹ کے مطابق، تہران میں ہنگری کے سفیر جیلو پیٹو  کو وزارت خارجہ میں طلب کر کے یورپی یونین کے حالیہ فیصلے کے خلاف ایران کے شدید احتجاج سے آگاہ کیا گیا۔
ایرانی وزارت خارجہ کی جانب سے کہا گیا کہ اسلامی جمہوریہ ایران کے خلاف پابندیوں جیسے غیر قانونی اور جبری ہتھکنڈوں کا سہارا لینا کسی بھی صورت میں قابل قبول نہیں ہے اور اس کا کوئی نتیجہ نہیں نکلے گا۔
اس موقع پر تہران میں ہنگری کے سفیر نے کہا کہ وہ ایران کے سرکاری احتجاج کو اپنی متعلقہ حکومت تک پہنچائیں گے۔