امریکہ کس سے خوفزدہ ہے؟
ایران کی عدلیہ کے سربراہ نے کہا ہے کہ شیاطین بالخصوص امریکی، ایرانی عوام کی جانب سے اسلامی انقلاب کی حمایت سے خوفزدہ ہیں ۔
سحر نیوز/ ایران: ایران کی عدلیہ کے سربراہ غلام حسین محسنی نے اسلامی انقلاب کی 46 ویں سالگرہ کے موقع پر عوامی مارچ میں شرکت کے دوران صحافیوں سے گفتگو کرتے ہوئے کہا کہ شیاطین بالخصوص امریکی، ایرانی عوام کی جانب سے اسلامی انقلاب کی حمایت سے خوفزدہ ہیں، انہوں نے عوام کو اسلامی انقلاب کی حمایت سے باز رکھنے کے لئے ایڑی چوٹی کا زور لگایا لیکن انہیں منہ کی کھانی پڑی۔
عدلیہ کے سربراہ نے کہا کہ امریکی حکام کے حالیہ ایران مخالف موقف نے عوام کو اسلامی انقلاب کی سالگرہ کے مارچ میں زیادہ پرجوش اور وسیع پیمانے پر شرکت کی ترغیب دی۔
انہوں نے مزید کہا کہ ملک کے انقلابی عوام نے ہمیشہ امریکیوں کو شرمناک شکست دی ہے، آج کے عظیم مارچ میں عوام کا جوش و خروش دشمنوں کیلئے یہ واضح پیغام ہے کہ وہ ایران کا کچھ نہیں بگاڑ سکتے۔
