SAHAR

ایٹمی توانائی کی عالمی ایجنسی میں ایران کے مستقل مندوب رضا نجفی نے رافائل گروسی کو اپنے سفارتی اسناد پیش کرتے وقت آئی اے ای اے کے سربراہ کے دورہ تہران کا خیرمقدم کیا۔

سحرنیوز/ایران: رضا نجفی نے کہا کہ آئی اے ای اے کو اپنے فرائض کے مطابق، ایک خودمختار، فنی اور غیرجانبدار ادارہ رہنا چاہیے۔ انہوں نے امید ظاہر کی کہ رافائل گروسی کا دورہ تہران جو بدھ کے دن انجام پا رہا ہے اسلامی جمہوریہ ایران اور آئی اے ای اے کے تعاون میں استحکام کا باعث بنے۔ اس موقع پر رافائل گروسی نے بھی کہا کہ ایٹمی توانائی کے عالمی ادارے کے ساتھ ایران کا تعاون جاری ہے۔ انہوں نے تمام فریقوں کے مابین مثبت اور تعمیری ماحول فراہم کرنے پر بھی زور دیا۔ رضا نجفی اور رافائل گروسی نے ایران کے پرامن ایٹمی پروگرام کے سلسلے میں گفتگو بھی کی۔