حالیہ ہفتوں میں ایران کے صوبے مازندران سے موسمی پھلوں کی چھ سو سے زائد کھیپیں مختلف ممالک کو برآمد کی گئی ہیں-

Jan ۱۸, ۲۰۲۶ ۲۰:۰۱ Asia/Tehran

ایران کی وزارت زرعی جہاد کے صوبائی عہدیدار حمید نادریان نے بتایا کہ حالیہ ہفتوں میں ایران کے صوبے مازندران سے رسیلے اور موسمی پھلوں کی چھ سو سے زائد کھیپیں مختلف ممالک بشمول ہندوستان اور بحیرہ خزر سے متصل ممالک کو برآمد کی گئی ہیں-

سحرنیوز/ایران: حمید نادریان نے مازندران صوبے کے باغات کے پھلوں کی برآمدات کا ذکر کرتے ہوئے کہا کہ ریڈ بلڈ مالٹا کے پھلوں کو توڑے جانے کا کام جاری ہے۔

ہمیں فالو کریں:

انہوں نے صوبے کی زرعی اجناس کی برآمدات کے بارے میں مزید کہا کہ اس وقت مازندران سے ہندوستان اور بہت سے دیگر ملکوں کے لئے رسیلے اور کیوی کے پھلوں کی برآمدات جاری ہیں۔

صوبۂ مازندران کے مذکورہ عہدیدار کے مطابق اب تک صوبے سے نارنگی کی چار سو اور مسمی کی دوسو کھیپیں برآمد کی جا چکی ہیں، ہندوستان اور بحیرہ کیسپین سے متصل ممالک کو چارسو ٹن کیوی بھی برآمد کیے گئے ہیں اور برآمدات کا یہ سلسلہ جاری ہے۔

قابل ذکر ہے کہ صوبۂ مازندران ملک کی ایک اعشاریہ پانچ فیصد اراضی اور ملک کی دو اعشاریہ پانچ فیصد زرعی اراضی کے ساتھ سالانہ ستر لاکھ ٹن سے زیادہ زرعی پیداوار کرتا ہے، جو ملک کی مجموعی زرعی اجناس کا دس فیصد ہے۔