SAHAR

 حیدرالعبادی نے عراقی فوج اورعوامی رضاکارفورس کے کمانڈروں کی کوششوں کو سراہتے ہوئے بیجی آئل ریفائنری پر داعش کا قبضہ ختم کرنے کی اہمیت اورپورے صوبہ صلاح الدین سے داعش دہشت گردوں کا صفایا کئے جانے پر زوردیا -

 عراقی وزیراعظم حیدرالعبادی نے صوبہ صلاح الدین بالخصوص بیجی آئل ریفائنری کو داعش دہشت گردوں کے قبضے سے آزاد کرانے کے منصوبے پر فوری عمل درآمد کا حکم دیا-

 دوسری جانب عراقی وزیراعظم حیدرالعبادی نے ایک اوربیان میں کہا ہے کہ انھوں نے عراق میں مظاہروں اوردھرنوں پر پابندی کے سلسلے میں کوئی فرمان جاری نہیں کیا ہے-

عراقی وزیراعظم نے اس بیان میں کہا ہے کہ وزیراعظم حیدرالعبادی آئین میں موجود پرامن مظاہروں کے حق کی حمایت کرتے ہیں- اس سے قبل صوبہ واسط کی سیکورٹی کونسل کی کمیٹی نے اعلان کیا تھا کہ اسے وزیراعظم حیدرالعبادی کی جانب سے مظاہروں اوردھرنوں پرپابندی کے احکامات ملے ہیں-