SAHAR

اسلامی جمہوریہ ایران کے نائب وزیر خارجہ حسین امیر عبداللہیان نے کہا ہے کہ ویانا اجلاس کا بیان شام کے بارے مین آئندہ مذاکرات کی بنیاد ہوگا

ایسنا نیوز کی رپورٹ کے مطابق حسین امیر عبداللہیان نے جمعے کو ویانا مذاکرات کے بعد ایرانی صحافیوں سے گفتگو مییں کہا کہ ویانا اجلاس میں شریک ملکوں کے مواقف میں کافی اختلافات تھے اور بعض ممالک اس نشست میں ایک بیان جاری کرکے یہ کہنا چاہتے تھے شام کےصدر بشار اسد کو کس وقت اور کس طرح اقتدار سے ہٹنا ہوگا۔

انہوں نے کہاکہ بعض ممالک علاقے میں شام کو محور بناکر اپنے سیاسی اھداف حاصل کرنے کی کوشش میں تھے جبکہ ایران کے لئے بھی اپنی اسٹریٹیجی کو آگے بڑھانا ضروری تھا۔نائب وزیر خارجہ حسین امیر عبداللہیاں نے گذشتہ روز جمعے کے طولانی مذاکرات کے بارے میں کہا کہ مذاکرات میں شریک ملکوں نے نو نکاتی بیان پر اتفاق کیا ہے اور ایران نے ان تمام نکات میں اپنا نقطہ نظر شامل کرنے میں کامیابی حاصل کی ہے۔

انہوں نے کہا کہ ویانا اجلاس کے بیان میں شام کے اقتدار اعلی، آزادی، ارضی سالمیت اور ملک کے قومی اتحاد کو باقی رکھنے پر تاکید کی گئی ہےاور یہ فیصلہ کیا گیا ہےکہ کوئی بھی فریق شام کی تقسیم کا خواہاں نہیں ہے۔ حسین امیر عبداللہیان نے شام کے بحران میں اقوام متحدہ کے کردار کے بارے میں کہا کہ ایران اقوام متحدہ کے کردار کو نہایت اہمیت کی نگاہ سے دیکھتا ہے۔ انہوں نے کہا کہ ہم اس بات پر یقین رکھتے ہیں کہ ہر سیاسی مسئلہ میں اقوام متحدہ کو اپنا کردار ادا کرنا چاہیے۔ انہوں نے کہا کہ اسی بنا پر یہ فیصلہ کیا گیا ہے کہ ہر سیاسی عمل میں منجملہ جنگ بندی بھی اقوام متحدہ کے دائرہ کار میں عمل میں آئے گی۔