SAHAR

شام کے دارالحکومت دمشق کے جنوبی علاقے میں واقع یرموک پناہ گزیں کیمپ پر جبھۃ النصرہ سے تعلق رکھنے والے دہشت گردوں کا حملہ ناکام ہو گیا ہے۔

العالم ٹی وی کی رپورٹ کے مطابق جبھۃ النصرہ کے بعض دہشت گرد ایک سرنگ کھود کر فلسطینیوں کے پناہ گزیں کیمپ یرموک تک پہنچنے کا ارادہ رکھتے تھے لیکن شام کی فوج اورعوامی رضاکار فورس کے اہلکاروں نے آپریشن کر کے ان کی یہ کوشش ناکام بنا دی۔ اس آپریشن میں متعدد دہشت گرد ہلاک ہوئے ہیں۔

تکفیری دہشت گرد عناصر یرموک پناہ گزیں کیمپ میں داخل ہو کر دہشت گردانہ کارروائی کرنا چاہتے تھے لیکن شام کی فوج اور عوامی رضا فورس کے اہلکاروں کی ہوشیاری کی بنا پر ان کو پسپائی اختیار کرنا پڑا۔ اس جھڑپ میں متعدد تکفیری دہشت گرد زخمی بھی ہوئے ہیں۔