شامی فوج کی کامیابی
Feb ۰۶, ۲۰۱۶ ۱۱:۴۶ Asia/Tehran
شام کی فوج نے دہشت گرد گروہ داعش کے ساتھ لڑائی کے بعد حلب کے شمال میں واقع مایر شہر کو آزاد کرا لیا ہے۔
العالم ٹی وی نے ہفتے کے دن رپورٹ دی ہےکہ مایر شہر کی آزادی کے آپریشن کے دوران دہشت گردوں کو شدید جانی اور مالی نقصان پہنچا ہے۔
شام کی سیکورٹی فورسز نے مایر شہر کے شمال میں واقع مزارع البابلی نامی علاقے کو بھی دہشت گردوں کے قبضے سے آزاد کرا لیا ہے۔
شام کی فوج نے اپنی کامیابیوں کا سلسلہ جاری رکھتے ہوئے حلب کے شمال میں واقع رتیان شہر پر بھی کنٹرول حاصل کر لیا ہے۔ اس رپورٹ کے مطابق شام کی فوج اپنے ملک کے مختلف علاقوں کو دہشت گردوں کے قبضے سے آزاد کرانے کی کوشش جاری رکھے ہوئے ہے۔
