SAHAR

غاصب صیہونی فوجیوں نے ایک کمسن فلسطینی بچے کو گولیاں مار کر شہید کر دیا۔

خبروں کے مطابق صیہونیوں نے بدھ کے روز شمالی الخلیل میں العروب کے فلسطینی کیمپ پر حملہ کر دیا جس کے نتیجے میں ایک کمسن فلسطینی بچہ شہید ہو گیا۔

صیہونی فوجیوں نے بیت اللحم، جنین، قلندیا کیمپ اور بیت المقدس کے مختلف علاقوں پر حملہ کیا جس کے دوران متعدد فلسطینیوں کے زخمی ہونے کی خبر ہے۔ صیہونی فوجیوں نے متعدد فلسطینیوں کو گرفتار بھی کر لیا۔

سرزمین فلسطین کے مختلف علاقوں میں یکم اکتوبر سے جاری تحریک انتفاضہ قدس کے دوران صیہونی فوجیوں کی فائرنگ میں ایک سو اسّی سے زائد فلسطینی شہید ہو چکے ہیں۔