صہیونی فوجیوں کے ہاتھوں ایک فلسطینی کی شہادت
صیہونی فوجیوں نے غرب اردن کے قلندیا کیمپ میں فلسطینیوں پر حملہ کرکے ایک فلسطینی نوجوانوں کو شہید کردیا ہے
فلسطین کی ہلال احمر سوسائٹی نے خبردی ہے کہ صیہونی فوجیوں نے فلسطینیوں پرفائرنگ کرکے ایک فلسطینی نوجوان کو شہید اور گیارہ دیگر کو زخمی کردیا - شہید ہونےوالے بائیس سالہ فلسطینی نوجوان کا نام عمرسجدیہ ہے -
صیہونی فوجیوں کی جارحیتوں کے جواب میں فلسطینی نوجوانوں نے بھی اسرائیلی فوجیوں پر حملہ کیا - جس میں کم سے کم پانچ صیہونی فوجی زخمی ہوگئے - فلسطینیوں اور اسرائیلی فوجیوں کے درمیان لڑائی اس وقت شروع ہوئی جب صیہونی فوجیوں نے غرب اردن میں واقع قلندیا کیمپ پر حملہ اور لوگوں پر فائرنگ کرنا شروع کردی -
قلندیا کیمپ رام اللہ سے پانچ کلو میٹر کے فاصلے پر واقع ہے - گذشتہ برس اکتوبر میں تحریک انتفاضہ کے آغاز کے بعد سے صیہونی فوجی اب تک ایک سو نوے فلسطینیوں کو شہید کرچکے ہیں -
واضح رہے کہ علاقے کی بحرانی صورتحال سے فائدہ اٹھا کر صیہونی حکومت نے فلسطینیوں پر اپنے حملے تیز کردئے ہیں -
