مسلح افراد کے حملے میں دو مصری فوجی ہلاک
Mar ۰۶, ۲۰۱۶ ۱۶:۱۹ Asia/Tehran
مصر کے علاقے شمالی سینا میں مسلح حملہ آوروں نے دو مصری فوجیوں کو ہلاک کردیا ہے
مصر میں فوجی حکام کا کہنا ہے کہ یہ حملہ شمالی سینا کے شہرشیخ زوید میں کیا گیا اس حملے میں دو مصری فوجی ہلاک اور دودیگر زخمی ہوئے ہیں -
واضح رہے کہ مصر کے علاقے شمالی سینا میں داعش سے وابستہ گروہ ولایت سینا اور کچھ دیگردہشت گرد گروہوں کی دہشت گردانہ کارروائیوں کے نتیجے میں اب تک سیکڑوں مصری فوجی اور پولیس اہلکار مارے جاچکےہیں -
مصرکے صدر عبدالفتاح السیسی نے ولایت سینا جیسے دیگردہشت گرد گروہوں کو مصر کی سلامتی کے لئے بڑا خطرہ قراردیا ہے - چند روز قبل مصری فوج نے اسی علاقے میں ایک کارروائی کےدوران متعدد مسلح دہشت گردوں کو ہلاک کردیا تھا -
