SAHAR

ہزاروں عراقی شہریوں نے بغداد میں مظاہرہ کرکےحکومت سے مطالبہ کیا ہے کہ وہ سیاسی اور اقتصادی شعبوں میں بدعنوانیوں کے خاتمے اور اصلاحات کے اپنے وعدوں پر تیز رفتاری سے عمل کرے۔

خبروں کے مطابق ہزاروں کی تعداد میں عراقی شہریوں نے بغداد کے الخضرا علاقے کے قریب مظاہرہ کرکے حکومت سے کہا ہے کہ وہ اصلاحات کا عمل تیز رفتاری سے انجام دے -

اس سے پہلے عراقی حکومت نے بغداد میں مظاہرے کی اجازت دینے سے انکار کردیا تھا لیکن بعد میں بغداد کے حساس علاقے الخضرا سے باہر مظاہرہ کرنے کی اجازت دے دی -

عراق کے مذہبی اور سیاسی رہنما مقتدی صدر نے عوام سے کہا تھا کہ وہ مظاہرے میں شرکت کرنے کے ساتھ ساتھ سیکورٹی فورس کے ساتھ تعاون بھی کریں -

واضح رہے کہ عراقی وزیر اعظم حیدرالعبادی نے اصلاحات کے نفاذ کے بارے میں اعلان کیا تھا کہ وہ اپنی کابینہ میں بنیادی تبدیلی لانا چاہتے ہیں –

حیدرالعبادی کے اصلاحات کے پروگرام کے بارے میں عراقی شخصیات نے ملے جلے ردعمل کا اظہار کیا ہے۔