عراق ؛ دیالہ میں ہزاروں افراد کا مظاہرہ، امریکہ کی دھمکیوں کے خلاف عراق اور ایران کے دفاع کا اعلان

Feb ۰۷, ۲۰۲۶ ۱۷:۴۲ Asia/Tehran

عراق کے صوبے دیالہ میں ہزاروں افراد نے امریکہ کی جارحانہ دھمکیوں کے خلاف عراق اور ایران کے دفاع کے لیے اپنی تیاری کا اعلان کیا ہے۔

سحرنیوز/عالم اسلام: المقدادیہ میں واقع علاقے صیدا میں اس اجتماع کے شرکاء کی جانب سے جاری کردہ ایک بیان میں کہا گیا ہے کہ ہم عراق کی سیکورٹی فورسز اور حشد الشعبی اور اسی طرح اسلامی جمہوریہ ایران کو مدد فراہم کرنے کے لیے اپنی تیاری کا اعلان کرتے ہیں اور ایران میں امریکی مداخلت کی سختی سے مخالفت کرتے ہیں۔

بدر تنظیم کے ایک عہدیدار عمار التمیمی نے کہا کہ اس اجتماع کا عراق میں مسلح گروہوں سے کوئی تعلق نہیں ہے، بلکہ اس میں عام شہری شامل ہیں جو سیکورٹی فورسز کی مدد کرنا چاہتے ہیں۔

ہمیں فالو کریں:

ادھر عراق کے قومی سلامتی کے مشیر قاسم الاعرجی نے امریکا کا نام لیے بغیر کہا کہ بغداد کسی بھی ملک کو اپنی سرزمین یا فضائی حدود کو دوسرے ممالک پر حملہ کرنے کے لئے استعمال کرنے کی اجازت نہیں دے گا۔ انہوں نے زور دے کر کہا کہ عراق اپنی علاقائی سالمیت کے تحفظ اور اپنے ملک کو علاقائی تنازعات میں ملوث نہ کرنے کے لیے پرعزم ہے۔ الاعرجی نے مزید کہا کہ عراقی حکومت کا موقف ہے کہ خطے کو درپیش چیلنجز کا پرامن حل سفارتی ذرائع اور بات چیت کے ذریعے نکالا جاسکتا ہے-