SAHAR

مصر کے ایک مسافر بردار طیارے کو، جو اسکندریہ سے قاہرہ جا رہا تھا، اغوا کر لیا گیا۔

پریس ذرائع کے حوالے سے موصولہ رپورٹ میں بتایا گیا ہے کہ مصر کے اے، تین سو، ایئر بس کو، جس میں عملے کے پانچ افراد کے علاوہ پچپن مسافر سوار ہیں، اغوا کر کے قبرص کے دارالحکومت لارناکا ایئر پورٹ پر اتار لیا گیا۔

رپورٹ کے مطابق مصر کے اس طیارے کو ایک مسلح شخص نے اغوا کیا ہے جو دھماکہ خیز مواد کی حامل جیکٹ پہنے ہوئے ہے۔ اس شخص نے مسافر بردار طیارے کو دھماکے سے اڑانے کی دھمکی بھی دی ہے۔ رپورٹ میں بتایا گیا ہے کہ اغوا کرنے والے شخص سے مذاکرات کے لئے ایک مرکز قائم کر دیا گیا ہے۔