SAHAR

افغانستان کے شمال میں مقامی حکام نے کہا ہے کہ صوبہ جوزجان میں طالبان کے ساتھ جھڑپ میں افغان پولیس کے چھے اہلکار ہلاک اور ایک زخمی ہو گیا۔

تسنیم نیوز ایجنسی کی رپورٹ کے مطابق افغانستان کے شمالی شہر مردیان کے انتظامی سربراہ ذبیح اللہ زاہد نے کہا کہ طالبان کے ساتھ جھڑپ میں افغان پولیس کے چھے اہلکار مارے گئے ہیں۔

انھوں نے کہا کہ یہ جھڑپ صوبہ جوزجان کے ضلع مردیان کے علاقے چاہی میں ہوئی۔ ان کا کہنا تھا کہ طالبان کے ساتھ ہونے والی اس جھڑپ میں طالبان نے ایک پولیس اہلکار کو اغوا بھی کر لیا ہے۔

گزشتہ سال بھی افغان طالبان نے افغان فوج کے ایک اہلکار کے تعاون سے صوبہ جوزجان کے علاقے قوش تپہ میں دس افغان فوجیوں کو ہلاک کر دیا تھا۔