SAHAR

افغانستان میں دو بسوں اور ایک آئل ٹینکر کے درمیان تصادم میں کم سے کم باون افراد ہلاک اور درجنوں زخمی ہوگئے ہیں۔

حکام کے مطابق یہ خوفناک حادثہ صوبہ غزنی کے علاقے مقر میں کابل قندھار شاہراہ پر پیش آیا ہے۔

غزنی پولیس نے بتایا کہ تصادم کے نتیجے میں دونوں بسوں اور ٹرک کے انجنوں میں آگ لگ گئی اور باون افراد جھلس کر ہلاک ہو گئے۔

کہا جا رہا ہے کہ دونوں بسوں میں مجموعی طور پر ایک سو پچیس افراد سوار تھے۔

تہتر افراد زخمی بتائے جاتے ہیں جنہیں غزنی کے اسپتال میں جبکہ شدید طور پر جھلس جانے والوں کو کابل منتقل کر دیا گیا ہے۔

پولیس کا کہنا ہے کہ ڈرائیوروں کی لاپرواہی کے باعث یہ حادثہ پیش آیا ہے تاہم وہ حادثے کی حتمی وجوہات کا پتہ لگانے کی کوشش کر رہی ہے ۔