SAHAR

افغانستان میں طالبان نے ایک بڑے ملٹری بیس پر قبضہ کرنے کا دعوی کیا ہے۔

ذرائع کے مطابق طالبان کے ترجمان ذبیح اللہ مجاہد نے دعوی کیا ہے کہ طالبان نے افغانستان کے شمالی صوبے بغلان میں پل خمری کے علاقے چشمہ شیر میں جرمنی غوندی نامی ملٹری بیس پر قبضہ کر لیا۔

طالبان کے اس ترجمان کے مطابق طالبان نے اس فوجی مرکز پر تین روز کے محاصرے اور دسیوں افغان سیکورٹی اہلکاروں کو ہلاک و زخمی کرنے کے بعد قبضہ کر لیا۔ واضح رہے کہ طالبان کے اس دعوے کی اب تک تصدیق نہیں ہوئی ہے۔