SAHAR

افغان طالبان کے نئے سربراہ کا تعین ہوگیا ہے-

ارنا کی رپورٹ کے مطابق پاکستانی ذرائع نے بدھ کی صبح کو اعلان کیا ہے کہ افغان طالبان کی کونسل نے مولوی ہیبت اللہ آخوندزادہ کو افغان طالبان کا نیا سربراہ مقرر کردیا ہے- ان ذرائع نے اعلان کیا ہے کہ طالبان نے اپنے نئے سربراہ کے انتخاب کے بعد سابق سربراہ ملا اختر منصور کی ہلاکت کی تصدیق کردی ہے-افغان طالبان کا کہنا ہے کہ ملا منصور کو امریکیوں نے نشانہ بنایا ہے۔

ہیبت اللہ آخوند زادہ، ملا اختر منصور کا ایک معاون تھا- طالبان کے بہت سے سینئر اراکین کا ماننا ہے کہ ہیبت اللہ کو اس گروہ میں بہت زیادہ احترام حاصل ہے۔

پاکستانی ذرائع نے یہ بھی اعلان کیا ہے کہ ملاعمر کے بیٹے ملا یعقوب اور سراج الدین حقانی نائب امیر ہوں گے۔