عراق: بغداد میں دہشت گردانہ بم دھماکوں میں چار افراد جاں بحق
Jun ۰۶, ۲۰۱۶ ۰۸:۵۳ Asia/Tehran
-
بغداد میں ہونے والے دہشت گردانہ بم دھماکوں میں چار افراد جاں بحق
عراق کے دارالحکومت بغداد میں ہونے والے دو بم دھماکوں میں چار افراد جاں بحق ہوگئے ہیں۔
جرمن خبررساں ایجنسی کی رپورٹ کے مطابق عراقی پولیس نے کہا ہے کہ مغربی بغداد میں واقع ابوغریب علاقے میں اتوار کے دن ایک بم دھماکہ ہوا جس کے نتیجے میں تین افراد جاں بحق اور سات زخمی ہوگئے۔ عراقی وزارت داخلہ نے بھی کہا ہےکہ اتوار کے دن شمالی بغداد کے علاقے الشعب کے البساتین محلے میں ہونے والے ایک بم دھماکے میں ایک شخص جاں بحق اور پانچ زخمی ہوگئے ہیں۔
دریں اثناء بغداد کی پولیس نے کہا ہے کہ ایک دہشت گرد کو، کہ جو شمالی بغداد میں واقع طارمیہ کے علاقے میں دہشت گردانہ حملہ کرنے کا ارادہ رکھتا تھا، ہلاک کر دیا گیا ہے۔
