SAHAR

بحرینی حکومت نے ملک میں علما کی سیاسی سرگرمیوں پر پابندی عائد کر دی ہے

بحرین کے بادشاہ حمد بن عیسی آل خلیفہ نے ایک فرمان جاری کرکے سیاسی جماعتوں کے بارے میں بعض قوانین میں تبدیلی کرتے ہوئے ملک میں مذہبی مراکز اور علما کی سیاسی سرگرمیوں پر پابندی عائد کر دی ہے-

شاہ بحرین کے ذریعے جاری کئے گئے اس تازہ فرمان کے تحت علما اب منبروں سے اپنی تقریروں کے دوران سیاسی مسائل پرباتیں نہیں کرسکیں گے اور مذہبی مراکز کے عہدیداروں کو بھی سیاسی جماعتوں سے رابطہ رکھنے کی اجازت نہیں ہوگی -

واضح رہے کہ بحرین کی سیکورٹی فورس کے اہلکاروں نے نمازجمعہ کے خطبوں میں سیاسی مسائل اٹھانے کی بنا پر اب تک بہت سے علما کو گرفتار کیا ہے- بحرین میں فروری دوہزارگیارہ سے عوام کی پرامن تحریک جاری ہے-

بحرینی عوام اپنے ملک میں سیاسی اصلاحات اور جمہوریت کا مطالبہ کر رہے ہیں-