لیبیا میں عام لام بندی کا اعلان
Jun ۱۹, ۲۰۱۶ ۱۵:۳۴ Asia/Tehran
لیبیا میں داعش کے خلاف جنگ کے لئے عام لام بندی کا اعلان کر دیا گیا ہے
ہمارے نمائندے کی رپورٹ کے مطابق لیبیا کی پارلیمنٹ کے اسپیکر عقلیہ صالح نے تکفیری دہشت گرد گروہ داعش کے خلاف جنگ کے لئے عام لام بندی کا اعلان کر دیا ہے۔ لیبیا کی پارلیمنٹ کی اسپیکر عقیلہ صالح نے اسی کے ساتھ آرمی چیف جنرل عبداللہ الناظوری کو لیبیا کے مشرقی علاقے درنہ سے مغربی علاقے بن جواد تک پر مشتمل ڈیویژن کا فوجی حاکم منصوب کیا ہے ۔
لیبیا سے موصولہ رپوٹوں میں بتایا گیا ہے کہ سرت میں لیبیا کی فوج نے داعش کے خلاف جنگ میں بڑی کامیابیاں حاصل کی ہیں۔ لیبیا کے شہر سرت پر جون دو ہزار پندرہ سے تکفیری دہشت گرد گروہ داعش کا قبضہ ہے۔ سرت لیبیا میں داعش کا اہم ترین مرکز سمجھا جاتا ہے۔
