SAHAR

صیہونی حکومت نے صوبہ قلقیلیہ میں واقع فلسطینیوں کی زمینوں پر قبضے کا حکم جاری کردیا۔

فلسطین کے اطلاعاتی مرکز نے اعلان کیا ہے کہ صیہونی حکومت نے صوبہ قلقیلیہ کے نبی الیاس، عزون اور عزبہ الطبیب علاقوں میں واقع فلسطینیوں کی زرعی زمینوں پر قبضہ کرنے کا حکم  جاری کردیا ہے تا کہ صیہونی کالونیوں کے درمیان سڑک  تعمیر کی جا سکے۔ رپورٹ کے مطابق علاقے میں رہائش پذیر فلسطینیوں نے اس سے قبل صیہونی عدالت کو ایسے ثبوت پیش کئے تھے کہ ان سڑکوں کی تعمیر فلسطینی زمینوں پر قبضہ کرنے کی غرض سے کی جا رہی ہے۔ واضح رہے کہ صیہونی پارلیمنٹ نے بھی فلسطینی زمینوں پر قبضے کے قانون کا پہلا حصہ منظور کرلیا ہے۔