SAHAR

عراق کے دارالحکومت بغداد میں ہونے والے بم دھماکے میں کم سے کم آٹھ افراد جاں بحق ہو گئے۔

 رپورٹ کے مطابق جمعرات کی صبح مشرقی بغداد کے العبیدی علاقے میں ایک کار بم دھماکے میں کم سے کم آٹھ عراقی فوجی جاں بحق اور چودہ زخمی ہو گئے-

گذشتہ پیر کو بھی بغداد کے مختلف علاقوں میں ہونے والے دہشت گردانہ بم دھماکوں کے نتیجے میں دسیوں عراقی جاں بحق اور زخمی ہو گئے تھے- 

داعش دہشت گردوں نے عراقی فوج کے مقابلے میں خاص طور سے شمالی صوبہ نینوا میں پے در پے ناکامیوں کے بعد مختلف شہروں میں عام شہریوں کا قتل عام اور دہشت گردانہ کاروائیاں شروع کر دی ہیں-

دہشت گردانہ اقدامات کی ہمیشہ ہی مذمت کی گئی ہے اور دہشت گردی کی لعنت سے چھٹکارا پانے کا واحد راستہ دہشت گردی کے خلاف حقیقی جد و جہد ہے-

واضح رہے کہ عراق کے صوبہ نینوا کے صدر مقام موصل کی کارروائیاں اکتوبر دو ہزار سولہ سے شروع ہوئی ہیں-