SAHAR

جنوبی افغانستان کے حکام نے اعلان کیا ہے کہ بعض غیرملکی تنظیموں نے ہلمند صوبے میں بدامنی میں اضافے اور طالبان کی دھمکیوں کے پیش نظر اپنے دفاتر بند کردیے ہیں۔

تسنیم نیوز ایجنسی کی رپورٹ کے مطابق صوبے ہلمند کے سرکاری حکام نے اعلان کیا ہے کہ یہ غیرملکی تنظیمیں امن و امان کی صورتحال بہتر ہونے کے بعد اپنی سرگرمیاں بحال کریں گی۔

اعداد و شمار کے مطابق اس وقت 17 ملکی اور غیر ملکی تنظیمیں صوبے ہلمند میں سرگرم عمل ہیں۔

واضح رہے کہ صوبہ ہلمند میں طالبان طویل عرصے سے فوج کے خلاف جنگ کر رہے ہیں اور اس صوبے میں طالبان کا خاصا اثرورسوخ ہے جس کی وجہ سے صوبے کے مختلف علاقوں کے شہری، طالبان کے خوف سے صوبائی صدر مقام لشکر گاہ کی جانب فرار کر رہے ہیں۔