شام: دہشت گردوں کو تاریخی شکست کا سامنا - (مختصر خبر)
May ۰۳, ۲۰۱۷ ۰۷:۴۱ Asia/Tehran
سید حسن نصر اللہ نے یوم جانباز کی مناسبت سے جانبازوں کو خطے میں طاقت کے توازن کو برقرار رکھنے کا مظہر قراردیتے ہوئے کہا ہے کہ ہمیں اپنے جانبازوں کی قربانیوں ، استقامت اور ان کے صبر و ثبات پر فخر ہے۔
المنار کی رپورٹ کے مطابق حزب اللہ کے سیکریٹری جنرل سید حسن نصر اللہ نے یوم جانباز کے موقع پرکہا کہ شام میں سامراجی طاقتوں سے وابستہ دہشت گردوں کو تاریخی شکست کا سامنا ہے اوراب لبنان کی سرحد کے پاس کوئی ایسی پہاڑی موجود نہیں ہے جس پر دہشت گرد موجود ہوں۔
سید حسن نصر اللہ نے کہا کہ شہداء اور جانبازوں نے عظیم قربانیاں دے کر دشمن کی لبنان پر تسلط پسندانہ پالیسیوں کو ناکام بنادیا ہے اور مستقبل میں بھی لبنانی قوم ، فوج اور حکومت مل کر خطے میں دشمن کی پالیسیوں کو ناکام بنادیں گے۔
