افغان فوجی کی فائرنگ، 4 امریکی فوجی ہلاک
Jun ۱۷, ۲۰۱۷ ۲۰:۲۲ Asia/Tehran
افغانستان میں میں ایک افغان فوجی نے چار امریکی فوجیوں کو گولی مار کر ہلاک کردیا ہے۔
افغانستان کی فوج کے ترجمان نے کہا ہے کہ ایک افغان فوجی نے ملک کے شمالی صوبے بلخ میں امریکی فوجیوں کے ایک اڈے میں فائرنگ کرکے کم سے کم چار امریکی فوجیوں کو موت کے گھاٹ اتاردیا۔
کابل میں امریکی فوج کی کمان نے بھی اس خبر کی تصدیق کی ہے۔
یہ پہلی بار نہیں ہے جب کسی مشتعل افغان فوجی نے امریکی فوجیوں پر فائرنگ کی ہے۔
گذشتہ ہفتے بھی سنیچر کو ایک مشتعل افغان فوجی نے صوبہ ننگرہار کے شہر آچین میں امریکی فوجیوں پر فائرکھول دیا تھا جس میں تین امریکی فوجی ہلاک ہوگئے تھے۔
اب تک افغان فوجیوں کی فائرنگ میں بہت سے امریکی فوجی مارے گئے ہیں۔
اس وقت افغانستان میں امریکا کے دس ہزار فوجی موجود ہیں۔
