SAHAR

لبنانی فوج نے جمعے کو اعلان کیا ہے کہ مشرقی لبنان کےعلاقے عرسال میں دہشت گردوں کے خلاف کارروائیوں میں کئی دہشت گرد ہلاک اور چند ایک کو گرفتار کر لیا گیا ہے۔

العالم کی رپورٹ کے مطابق لبنانی فوج نے ایک بیان میں کہا ہے کہ ان کارروائیوں میں پانچ دہشت گرد ہلاک ہوئے جبکہ بعض دہشت گردوں نے النور اور القاریہ کیمپوں میں خود کو دھماکے سے اڑا لیا۔
بیان کے مطابق ان کارروائیوں میں لبنانی فوج کے بھی سات جوان زخمی ہوئے ہیں۔
لبنانی فوج نے النور کیمپ کے قریب نصب کئی بموں کو بھی ناکام بنا دیا۔
کہا جا رہا ہے کہ فوجی کارروائی کا ہدف، جبہۃ النصرہ دہشت گرد گروہ کے دہشت گرد تھے۔