SAHAR

یمن کے نیشنل بلڈ بینک نے اعلان کیا ہے کہ مالی وسائل کی شدید قلت کی وجہ سے یہ بینک بند ہونے والا ہے

یمن کے نیشنل بلڈ بینک کے ترجمان منیر الزبیدی نے بدھ کو اپنے ایک بیان میں کہا کہ اگریہ بلڈ بینک بند ہوجاتا ہے تو پھر یمن میں علاج و معالجے کا شعبہ انتہائی بحران کا شکار ہوجائےگا اور تھیلاسیمیا، کینسر اور گردے کے مریضوں کو شدید مشکلات کا سامنا کرنا پڑےگا -

یمن کے بلڈ بینک کے سربراہ نے بھی کہا ہے کہ یہ بحران اس وقت پیدا ہوا جب ڈاکٹروں کی بین الاقوامی تنظیم ایم ایس ایف میں فرانسیسی ڈاکٹروں کے گروپ نے بلڈ بینک کے حکام کو اطلاع دی کہ وہ دوسال تک خدمات انجام دینےکے بعد اب اپنی سرگرمیاں یمن میں بند کرنے جا رہے ہیں - عالمی ادارہ صحت ڈبلیو ایچ او نے بھی کہا ہے کہ یمن کا نیشنل بلڈ بینک بند ہونےجارہا ہے -

واضح رہے کہ یمن پر سعودی عرب کے ذریعے مسلط کی گئی جنگ میں اب تک چالیس ہزار سے زائد افراد شہید اور زخمی ہوچکے ہیں اور بنیادی شہری تنصیبات تباہ ہوجانے کے سبب اس وقت یمن کے بائیس صوبوں کو وبائی امراض کا سامنا ہے -