دیرالزور میں ایران کی انسان دوستانہ امداد پہنچ گئی
Sep ۲۰, ۲۰۱۷ ۲۱:۱۹ Asia/Tehran
شام کے صوبہ دیرالزور میں مقامی باشندوں کے لئے ایران کی انسان دوستانہ امداد پہنچ گئی ہے
المیادین ٹیلی ویژن چینل کی رپورٹ کے مطابق ایک ہزار ٹن پر مشتمل ایران کی انسان دوستانہ امدادی کھیپ میں اشیائےخوراک دوائیں اور طبی ساز و سامان شامل ہیں یہ امدادی اشیا براہ راست طور پر دیرالزور میں عام شہریوں میں تقسیم کی جائیں گی - یہ پہلی غیر ملکی امداد ہے جو زمینی راستے سے دیرالزور کے شہریوں تک پہنچی ہے - تیل سے مالا مال شام کا شہر دیرالزور چودہ جولائی دوہزار چودہ سے پانچ ستمبر دوہزار سترہ تک داعش کے محاصرے میں تھا اور اس شہر کے باشندوں کو صرف ہوائی راستوں سے ہی مدد پہنچائی جارہی تھیں -
