افغانستان، آئل ٹینکر میں دھماکہ 15 جاں بحق 30 زخمی
Nov ۰۲, ۲۰۱۷ ۱۲:۰۰ Asia/Tehran
افغانستان کے صوبے پروان میں آئل ٹینکر میں دھماکے کے نتیجے میں 15 افراد جاں بحق اور 30 زخمی ہو گئے ہیں۔
طلوع کی رپورٹ کے مطابق افغان ذرائع کے مطابق صوبہ پروان کے شہر چاریکر میں آئل ٹینکر پھٹنے سے 15 افراد ہلاک اور 30 زخمی ہو گئے ہیں۔
پولیس کے مطابق آئل ٹینکر کے ساتھ دھماکہ خیز مواد نصب کیا گیا تھا جس کی وجہ سے دھماکے میں زیادہ ہلاکتیں ہوئیں۔
زخمیوں کوفوری طبی امداد کے لئے اسپتال منتقل کردیا گیا ہےجب کہ شدید زخمی ہونے والے 16 افراد کو طبی امداد کے لیے کابل منتقل کر دیا گیا ہے۔
