جنوبی سعودی عرب میں سعودی اتحادی فوجیوں کی ہلاکت
Dec ۰۸, ۲۰۱۷ ۱۴:۵۶ Asia/Tehran
یمن کی فوج اور عوامی رضاکار فورس نے سعودی عرب کی جارحیت کے جواب میں جیزان میں سعودی عرب کے اتحادی فوجیوں کے ٹھکانوں پر حملہ کیا ہے جس میں متعدد سعودی اتحادی فوجی ہلاک ہوگئے ہیں۔
یمن کے فوجی ذرائع سے موصولہ خبروں میں کہا گیا ہے کہ یمنی فوج اور عوامی رضاکار فورس نے سعودی عرب کے سرحدی صوبے جیزان کے المدرسہ نامی گاؤں میں واقع سعودی اتحادی فوج کے ٹھکانوں پر حملہ کیا جس میں متعدد جارح فوجی ہلاک اور زخمی ہوگئے۔
دوسری جانب سعودی عرب کے جارح طیاروں نے یمن پر اپنی وحشیانہ جارحیت کا سلسلہ جاری رکھتے ہوئے شمالی صوبے صعدہ میں کم سے کم پندرہ عام شہریوں کو خاک و خون میں غلطاں کردیا۔
سعودی عرب کے طیاروں نے یہ حملہ صوبہ صعدہ کے رازح شہر پر کیا۔
سعودی عرب جنگی طیاروں نے صوبہ صعدہ کے ہی بنی معاذ نامی علاقے پر بھی بمباری کی ہے جس میں آٹھ عام شہری شہید ہوگئے۔
