شمال مشرقی افغانستان میں طالبان کے حملے میں 5 افراد جاں بحق
Dec ۲۷, ۲۰۱۷ ۱۹:۱۱ Asia/Tehran
افغانستان کے صوبے غزنی کے گورنر ہاؤس کے ترجمان نے طالبان عناصر کی فائرنگ میں پانچ افراد کے جاں بحق ہونے کی خبر دی ہے۔
ہمارے نمائندے کی رپورٹ کے مطابق افغانستان کے صوبے غزنی کے گورنر ہاؤس کے ترجمان عارف نوری نے اعلان کیا ہے کہ طالبان عناصر نے غزنی میں فائرنگ کرکے پانچ افراد کو موت کے گھاٹ اتار دیا۔صوبہ غزنی کے ترجمان کے مطابق جاں بحق ہونے والے عام شہری اور پولیس اہلکار ہیں۔ادھر صوبے سمنگان کی کان میں ہونے والے ایک دھماکے میں پانچ افراد جاں بحق ہو گئے۔پتھر کے کوئلے کی کان میں یہ دھماکہ دورہ صوف میں ہوا جس میں چار افراد زخمی بھی ہوئے ہیں۔
