ٹی ٹوئنٹی ورلڈ کپ میں نمیبیا کو شکست، پاکستان نے سپر ایٹ مرحلے کیلئے کوالیفائی کرلیا

Feb ۱۸, ۲۰۲۶ ۲۰:۰۴ Asia/Tehran

ٹی ٹوئنٹی ورلڈ کپ کے اہم میچ میں پاکستان نے نمیبیا کو ایک سو دو رنز سے شکست دے کر سپر ایٹ مرحلے کے لیے کوالیفائی کرلیا۔

سحرنیوز/پاکستان: کولمبو میں آج کھیلے گئے میچ میں پاکستان نے ٹاس جیت کر پہلے بیٹنگ کرنے کا فیصلہ کیا۔ پاکستان نے بیس اوور میں تین وکٹوں کے نقصان پر ایک سو ننانوے رن بنائے۔ نمیبیا کی ٹیم پاکستان کی طرف سے ملے دو سو رنز کے ہدف کے تعاقب میں ستانوے رن بنا کر آؤٹ ہوگئی۔ پاکستان کے اوپنر صاحبزادہ فرحان نے اٹھاون گیندوں پر سو رن بنائے اور آؤٹ نہیں ہوئے جبکہ شاداب خان نے بائیس گیندوں پر چھتیس رن اسکور کیے۔

ہمیں فالو کریں:

پاکستان کے عثمان طارق نے چار اور شاداب خان نے تین کھلاڑیوں کو آؤٹ کیا۔ صاحبزادہ فرحان کو میچ کا بہترین کھلاڑی قرار دیا گيا۔ پاکستان سپر ایٹ مرحلے میں نیوزی لینڈ، انگلینڈ اور سری لنکا سے میچز کھیلے گا، پاکستان کا نیوزی لینڈ سےمیچ اکیس، انگلینڈ سے چوبیس اور سری لنکا سے اٹھائیس فروری کو ہو گا۔