افغانستان میں آپریشن، 25 دہشت گرد ہلاک
Apr ۰۵, ۲۰۱۸ ۰۶:۵۴ Asia/Tehran
افغانستان میں سیکورٹی فورسز کے آپریشن میں داعش کے 4 دہشت گردوں سمیت 25 دہشت گرد ہلاک ہوگئے۔
افغان وزارت دفاع کے مطابق گزشتہ 24 گھنٹوں کے دوران ملک بھر میں سیکورٹی فورسز نے دہشت گردوں اور شدت پسندوں کے خلاف متعدد کارروائیاں کیں، یہ کارروائیاں ننگرہار، کپیسا، غزنی، پکتیا، فریاب، زابل، بلخ اور ہلمند سمیت دیگر صوبوں میں کی گئیں۔
وزارت دفاع کے بیان میں بتایا گیا کہ صوبہ ننگر ہار کے ضلع کھوگانی میں کارروائی کے دوران داعش کے 4 دہشت گردوں کو ہلاک کیا گیا جبکہ ملک گیر آپریشنز میں مجموعی طور پر 25 دہشت گرد ہلاک اور متعدد زخمی ہوئے۔ ان آپریشنز میں سیکورٹی فورسز کو افغان فضائیہ کی مدد بھی حاصل رہی جنہوں نے شدت پسندوں کے ٹھکانوں پر بمباری کرکے انہیں تباہ کردیا۔ آپریشنز میں افغان سیکورٹی فورسز کے خصوصی دستوں نے بھی حصہ لیا۔
