SAHAR

انڈونیشیا میں مسافر طیارہ سمندر میں گر کر تباہ ہو گیا ہے۔

انڈونیشیا میں نجی ایئرلائن کا مسافر طیارہ سمندر میں گر کر تباہ ہو گیا، غیرملکی خبرایجنسی کے مطابق حادثے کی شکار پرواز جے ٹی سکس ون زیرو انڈونیشیا کے شہر جکارتا سے پنگ کل پنانگ جا رہی تھی۔

نجی فضائی کمپنی کے ترجمان نے تصدیق کی ہے کہ طیارہ اُڑان بھرنے کے 13منٹ بعد راڈار سے اچانک غائب ہوا اور ایئر ٹریفک کنٹرول سے اس کا رابطہ ٹوٹ گیا۔

انہوں نے یہ بھی بتایا کہ  بد قسمت طیارہ مقامی وقت کے مطابق صبح 6بج کر 10منٹ پر جکارتا سے روانہ ہوا اور 7بج کر 20منٹ پر اسے اپنی منزل پر پہنچنا تھا۔

بوئنگ سیون تھری سیون طیارے میں 188افراد سوار تھے ۔

طیارہ گرنے کے ممکنہ مقام پر امدادی کارروائی شروع کر دی گئی ہے۔